Seguimos no lugar do Caneiro e atopámonos con outra cruz similar á anterior, aínda que esta semella máis da Orde de Malta e estea máis desgastada ou erosionada ca anterior.



CRUZ LABRADA NUNHA CASA DO CANEIRO DE ARRIBA

Nunha casa situada no lugar do Caneiro de Arriba atopamos esta cruz labrada que está inscrita nun círculo a xeito de roda crucífera. O paso do tempo e a erosión son os responsables de que se atope tan desgastada e case non se aprecia ben en toda a súa totalidade.

O brazo que mellor se aprecia e pode ver é o vertical inferior, permitindo dicir que é de tipo “palada, patada ou patté”, aínda que non teñamos a certeza ao cen por cen e puidera ser da Orde de Malta. Os brazos horizontais semellan rectos na súa parte superior e inclinados na inferior. O superior non se distingue ben tampouco.

Texto e fotos aportados por Xose María López Ferro, Cronista Oficial do Concello de As Pontes e director do Museo Etnográfico Monte Caxado, a quen agradecemos a sua colaboración desinteresada